11.11.14

Juventude tenke aproveita situasaun sira ne’ebe mak ita hetan hanesan edukasaun ne’e importante hodi bele aumenta rekursu ba rai ne’e nia dezenvolvimentu.

“ juventude eskola no eskola labele odiu malu, baku malu, labele kria grupu hodi hasoru malu, tenke unidade, tane liman ba malu tenke sai eroi ba dezenvolvimentu “

Iha parte seluk, Prezidente Konsellu Nasional Juventude Timor-Leste, Leovogildo Hornai hatete, tinan-tinan tema ba komemorasaun 12 novembru ne’e dinamiku tanba liu hosi konsensus nasional no iha interese nasional.

Hanesan tinan-tinan ita selebra loron nasional ba juventude atu husu nafatin ba joven sira nomos ba intelektual joven sira tanba joven barak entaun ita iha kamada populasaun Timor tuir dadus estatistiku 2010 nomos estatistika ne’ebe mak ita hetan katak ita nia total populasaun ho idade 12-35 hetan persentazen bo’ot.

Entaun joven Timor hotu-hotu la iha oportunidade koalia entaun liu hosi organizasaun liu hosi intelektuis Timor tenke halo reflesaun ida ba momentu sira ne’ebe mak importante para atu bolu atensaun ema hotu hodi harii no  habo’ot nafatin espiritu patriotizmu, espiritu nasionalizmu, espiritu solidariedade, espiritu vontade servisu hodi defende soberania.

Importansia ba tema iha tinan ida ne’e oinsa ita bolu malu atensaun katak joven sira iha pasadu hanesan iha tinan 1975 ne’ebe mate iha momentu ne’eba nomos sira ne’ebe mak sei moris sira hotu-hotu halo buat bo’ot ba rai ida ne’e.

Sira oferese konseitu ba estadu ida no konseitu ba nasaun ida kona-ba libertasaun da patria hanesan joven sira iha tinan 1991 no iha 28 de outubro ne’ebe mak Sebastião fo nia an no vida tomak hodi hatete ba mundu katak hau mate atu liberta povu no rai ida ne’e.

Depois joven sira ne’ebe halo demo iha Amo Papa João Paulo II mai iha 12 de outubro iha tinan 1989 no sira seluk tan

“Ita hotu-hotu hakarak halo reafirmasaun no husu ba joven hotu ne’ebe mak goja independensia ne’e liu-liu jovens ne’ebe mak foin tama iha idade 19 ou 20 atu hatene didiak esensi hosi selebrasaun ne’e “ dehan Leo

Tanba ne’e apela ba joven hotu-hotu tenke partisipa iha misa ba 12 novembro ne’e no tenke partisipa iha reflesaun 11 nian no partisipa iha marsa ne’ebbe mak sei halo.

Husu ita hotu atu halibur ideias no forsa hamutuk  atu koalia ba interese nasional liu-liu joven sira tenke uja oportunidade diak atu goja independensia ne’e ho investe an ba iha edukasaun katak “ Eskola no eskola, estuda no estuda labele forma uma kain sedu “.

Juventude pasadu ne’e sira mai ho sira nia natureja no situasaun ida ketak no sira iha espiritu solidariedade bo’ot tebes, espiritu amizade no sira hotu-hotu ho sira nia enerjia no sira nia matenek ne’ebe mak iha hodi hakarak luta ba libertasaun ba patria ne’e.

Tanba ne’e joven agora tempu to’o ona halo reflesaun no buka atu korize balun ne’ebe mak gosta halimar deit  no pasear deit no barukten.

“ Hau hanoin tempu to’o ona atu badinas, tempu to’o ona atu le livru, atu halo peskiza iha internet maibe la presiza haree deit ba facebook  mas tempu to’o ona atu estuda ho badinas “ dehan nia

Joven agora tenke halo ona kompetisaun tanba kompetisaun agora ne’e todan tebes hanesan tenke pronto iha lian, iha ID, kualidade rekursus humanus no espesialidade ne’ebe iha.

“ joven agora tenke prepara iha setor hotu-hotu hodi compete no sai joven ne’ebe mak pronto iha termu kualidade maibe la’os kuantidade “ dehan nia

Joven sira hotu tenke moris tuir kultura Timor nian no nudar identidade Timor oan katak jovens ne’ebe tene as ba valor kultural katak respeita malu, konsidera malu, hanai malu.

Timor mai ho nia biban ida no tradisaun hodi servi badinas no Timor tenke mai ho joven ida badinas hanesan badinas buka osan, estuda, hamosu inovasaun no kreatividade, halo kritika hodi partisipa iha prosesu dezemvolvimentu.

“ Husu ba joven hotu-hotu mai hametin unidade nasional, mai kaer nafatin espiritu solidariedade no espiritu badaen matenek nian para bele priense dezemvolvimentu ne’ebe mak iha “ dehan nia

Sec.Estadu Juventude no Desportu, Miguel Manetelu hatete, tema ne’e relevante tanba Santo Padre fo aopresiasaun ba Timor-Leste ne’ebe liu hosi Bispo Dom Ricardo dehan tanba nasaun ida kuandu joven barak ne’e esperansa ba future sai bo’ot no diak.

Maibe potensia ba jovens ne’e tenke jere ho diak tanba wainhira ita la jere diak em vezde sai xave ba dezemvolvimentu sira bele sai ladiak mos.

Tanba ne’e mak komponente estadu nian no mos lider rezistensia sira hanesan sidadaun Timor iha responsabilidade ne’ebe mak hanesan.

“ Hau espera katak buat ne’ebe mak lider rezistensia sira halo ohin loron tenke hahu fila fali para koalia ba eskola, alin joven sira iha eskola presiza hatene historia ne’e “ dehan nia

Joven sira agora bele koloka sira nia-án hanesan Timor oan ne’ebe mak iha responsabilidade no sira tenki orgullu hanesan timoroan tanba independensia ne’e ema sosa ho ran, kosar been, matan been no mós sakrifisiu oin-oin.

Ho ida ne’e hanesan lider rezistensia sira liu-liu lider organizasaun rezistensia tenki hamutuk para ba oin bele koalia ho ministeriu edukasaun para tama iha eskola sira hodi koalia kona-ba historia kona-ba partisipasaun juventude ba libertasaun patria ne’e.

“Ita hatene katak ita nia lider sira ne’ebé lidera agora ne’e sira uluk lidera ba prosesu luta libertasaun patria hanesan sira uluk iha tinan 1974-1975 sira ne’e joven hanesan joven agora ne’e “ dehan

Funu ne’ebe mak hahu husi 1975 ne’e hanesan funu organizadu katak joven sira komesa organizadu iha funu ne’eba no sai lider ba nasaun agora ne’e.

Agora veteranus no antigos kombatentes hahu kaer kilat hanesan jovens no jovens hatutan funu ida ne’e hamutuk ho idade maior hodi partisipa ba luta ida ne’e.

Iha parte frente klandestina ema barak involve mak jovens no falintil sira iha ai-laran mos mesak joven katak iha momentu  ne’eba mos jovens sai forsa id aba libertasaun.

Hanesan ita haree akontesimentu barak ne’ebe mak fanu mundu ne’ebe dukur ba ita nia problema hanesan akontesimentu 12 novembru hanesan akumulasaun ida hosi prosesu tomak ne’ebe mak joven sira organiza.

“Ida ne’e maka ita dehan joven sira sai forsa libertasaun ba patria no jovens sai xave ba dezenvolvimentu kontinua bele sai hanesan fator determinante ida ka forsa bo’ot ida wainhira ita jere forsa ne’e ho diak sei sai xave ba dezenvolvimentu,” dehan

Joven sira iha pasadu hahu sira nia determinasaun ba partisipasaun ba prosesu luta ho voluntariu no la ezize buat ida.

Maibe ba joven sira ohin loron tanba globalizasaun, modernizasaun dala ruma utiliza sal globalizasaun no modernizasaun sai buat ne’ebe mak ladiak.

No joven sira ohin loron atu promove sira nia voluntariu ne’e susar tebes tanba buat hotu osan ida ne’e mak sai diferensia ba jovens pasadu no prezente.

Buat ne’ebe mak joven sira pasadu halo ne’e buat todan tanba mate ho moris hanesan sorte iha moris se laiha mate no distinu makl determina.

Agora atu tama ba loron komemorasaun loron juventude ne’ebe sei komemora iha 12 novembro katak ba joven sira hanesan lider organizasaun rezistensia sira ita fo minute balun ba dia 12 para halo reflesaun hodi hanoin sakrifisiu hotu ne’ebe mak jonen sira halo no funu nain sira uluk halo ba ita nia independensia.

Amo Paroku Motael, David Alves dehan, Tema hosi komemorasaun ne’e importante tebes tanba ida atu konvida ita ba kotuk katak ita la’os derepente ukun  an ne’e lae tanba ita iha tempu invazaun hanesan nasaun ida ukun ita no troka fali nasaun seluk lori susar no terus mai hanehan povu ida ne’e no lori justisa lubuk ida hodi halo povu ne’e la livre hanesan povu normal.

Iha momentu hotu-hotu ne’ebe mak ita laran metin mak igreja hanesan iha misa bobot sira liu-liu joven sira ne’ebé maka iha espiritu eroi, espiritu funu nain sira rona didiak katak amo dehan saida maka ne’e? Motiva sira liu hosi Maromak nia liafuan ba sira hodi halao buat ruma hatudu katak hadomi sira nia rai no povu ida ne’e.

 

SAPO TL ho Jornal Matadalan

link do postPor sapotl às 22:50, às 22:50  comentar

 
mais sobre mim
Novembro 2014
D
S
T
Q
Q
S
S

1

2
3
4
5
6
7
8

9
13
15

16
17
18
19
20
21
22

23
24
25
26
27
28
29

30


arquivos
2017

2016

2015

2014