9.11.15

Sekretáriu Estadu Juventude, Leovigildo Hornay, ohin dehan katak portugés maka sai hanesan dezafiu ida, maibé nu’udar oportunidade bot ba foin-sa’e luzófona sira, hodi hetan asesu ne’ebé di’ak ba iha merkadu laborál bot no ho mobilidade maka’as.


 

"Dalen portugés hanesan oportunidade bot, tanba nu’udar lian daneen ne’ebé ema ko’alia liu iha mundu, ka luzu-falante hamutuk milloens 250 ne’eb´espalla iha kontinente lima maka ko’alia lian refere”, tenik Leovigildo Hornay.

 

"Lian ne’e ninia domíniu maka sai nu’udar vantajen bot ba joven hosi komunidade ne’e, tanba bele halo sira hetan asesu ba iha merkadu laborál bot nomós ho mobilidade maka’as, liu hosi oportunidade foun ba iha internasionalizasaun joven nian ba iha mundu globalizasaun sékulu XXI”.

 

Leovigildo Hornay, sekretáriu Estadu Juventude no Desportu, ko’alia lia hirak ne’e durante abertura ba Fórum Juventude hosi Komunidade Nasaun Lian Portugés (CPLP), ne’ebé konta ho partisipasaun hosi delegasaun Estadu luzófona hitu (lainklui Mosambike ho Guiné-Ekuatoriál).

 

Responsável ne’e haktuir hikas katak, la’os iha Brazil no Portugal, persentajen hosi joven ne’ebé ko’alia portugés hanesan lian-inan hahú menus, tanba nível penetrasaun oioin iha komunidade ninia leet.

 

Nia dehan katak, situasaun ida ne’ebé “ho dezafiu bot ba nasaun hirak ne’ebé ladun implementa maka’as lian portugés ba ninia joven sira” no “presija iha rekursu ne’ebé barak hodi dezenvolve lian refere”. Ida ne’e maka kazu Timor-Leste nian, bainhira bandu atu lako’alia lian portugés durante tinan 24.

 

Sekretáriu Estadu ne’e mos apela ba joven sira atu asumi papel ida ne’ebé ativu liu hanesan “konselleiru hosi líder polítika” hodi apoia atu “define no implementa polítika públikas hirak ne’ebé foka liu ba juventude”.

 

 

 

Kona-ba ne’e, maka nia haktuir hikas katak bainhira nia simu pose, ninia intensaun ba dahuluk maka halibur reprezentante hothotu hosi asosiasaun joven nian hodi “reformula polítika nasionál juventude nian ne’ebé presija atu adapta ba realidade foun iha rai laran”.

 

“Envolvimentu hosi foin-sa’e sira hanesan projetu ida ne’ebé la’os de’it hosi vontade polítika, maibé mos importante atu sira kompromete no asumi projetu hirak ne’e no halo parte beibeik ba iha projetu hirak ne’e ninia implementasaun”, dehan.

 

Fórum Juventude – ne’ebé delegadu hosi nasaun CPLP sia (laiha maka hosi Mosambike ho Guiné Kuatoriál) – sei hala’o to’o kinta-feira ho ajenda oioin, inklui semináriu ba loron ohin, ho tema joven maka hanesan “paradigm foun ba transformasaun globál”.

 

CPLP no globalizasaun, edukasaun no dezafiu hosi globalizasaun, joven no emprendedorismu, identidade kulturál vs globalizasaun nomós papel feto nian maka sei sai hanesan tema ba debate durante semináriu ne’ebé hala’o ohin, hafoin hala’o tiha iha 2009 liu ba.

 

SAPO TL ho Lusa

link do postPor sapotl às 06:22, às 06:22  comentar

 
mais sobre mim
Novembro 2015
D
S
T
Q
Q
S
S

1
2
3
4
5
6
7

8
9
10
13
14

15
16
17
18
19
20
21

22
23
24
25
26
27
28

29
30


arquivos
2017

2016

2015

2014