12.11.15

Fofoun haree ba hanesan hena mean ida ne’ebé monu ba nia peitu to’o liman, maibé ikus mai komprende katak kór-mean, afinál, ne’e raan ne’ebé hahú hosi leten, iha Zeferina dos Santos nia oin.


 

Zeferina dos Santos, sobrevivente hosi masakre 12 novembru 1991, hamutuk ho nia imajen mak hasai hosi jornalista ingles Max Stahl, ne’eb’e sai hanesan retratu poderozu ida mós iha masakre Santa Krús, iha Arkivu no Muzeu Rezisténsia Timoroan (ARMT) iha Dili, Timor-Leste, 11 novembru 2015. EPA@ António Amaral

 

Sadere ba parede iha kapela Semitériu Santa Kr’us nia laran, faru mutin ho pinta metan - parte barak kona kór mean -, kabaas to’o liman-sikun no kona fuuk mós.

 

Iha imajen mak sei rejista ba nafatin dadeer trájika ne’e iha loron 12 novembru 1991, elementu mak iha liu podér hosi fotografia la’ós raan ne’eb’e taka oin, roupa no “ baços” Zeferina nian. Ne’e matan.

 

Nia la tanis, karik tanis, raan fase tiha nia matan-been. Laran hirus ne’ebé karik iha, agora interpreta imajen hafoin tinan 24, la iha. Molok ne’e hanesan hateke ida kuaze mamuk, la iha, rezigna.

 

Hateke ne’e la muda tanbaa joven ne’ebé uluk ho tinan 25 no ohin loron inan hosi oan na’in hitu ne’e "kontente ba independénsia", hanesan esplika ba Lusa iha dada-lia ida iha Arkivu no Muzeu Resisténsia Timoroan (AMRT) iha Dili.

 

Imajen ne’e Max Stahl nian no sai nu’udár ne’ebé mós ihakbi’it maka’as iha masakre Santa krús.

 

La’ós ida be boot liu maibé masakre ne’ebé importante tebes iha istória okupasaun indonézia iha Timor-Leste. Imajen sira jornalista inglés nian sai testemuña ba mundu ba sá mak rezisténsia hatete iha tinan 16 liubá, no tuir pratika hakilar no ema ida la rona.

 

"Halo misa iha Igreja Motael no hafoin ne’e ami ba Santa krús. Bainhira ami to’o iha semitériu mosu konfuzaun boot no ema balun iha liur komesa hatete katak ami tama. Ha’u rona kilat tarutu, ha’u monu no ema barak monu iha ha’u-nia leten. Ha’u nakonu ho raan", nia hanoin hikas.

"Nune’e duni. Ha’u hanoin katak ha’u sei mate. Ha’u lakon sentidu. Ha’u rona kilat tarutu no ha’u hanoin katak ha’u sei mate. Bainhira monu ha’u lakon konsiénsia", nia relembra, ko’alia iha tetun, lian ofisiál Timor-Leste nian ida mós. Ida seluk mak portugés.

 

Zeferina, sobrevivente hosi masakre ne’ebé hamate timoroan 250 resin (no neozelandés Kamal Bamadhaj), ko’alia sadere ba kronolojia ne’ebé hatudu istória luta ba independénsia Timor-Leste nian iha parede AMRT nian.

 

Nia imajen hanesan mós símbolu poderozu tebs ida, iha imajen nia leten, iha vídeo mak rekolla mós hosi Max Stahl ne’ebé pasa ininterruptamente, iha ekran kiik ida iha nia sorin: sirene nia lian, iha 'loop', aumenta dramatizmu liu tan iha momentu ne’ebé, ema barak hatete, istória Timor-Leste nian muda.

 

"Ema seluk nia raan mak suli mai ha’u-nia leten. Bainhira ha’u hadeer ha’u haree kamioneta ida atu tula sai mate sira hosi ne’ebá. Ha’u foti ulun no militár ida, see kilat mai ha’u no hatete atu ha’u hamriik ", nia esplika.

 

"Ha’u hadeer neineik no militár tebe ha’u ho botas".

 

No hateke hikas ba nia. Ho aten barani liu tan, tanba Zeferina la arrepende ba iha ne’ebá. Nein dezafia nia mana sira.

 

"Bainhira ha’u atu sai hosi uma ha’u mana sira bandu ha’u, maibé ha’u deside ona, ha’u tenke sai. Atu mate ka moris", nia hatete.

 

Difísil haree imajen sira? "Loos, difísil tebes. Ha’u hanoin katak ha’u sei mate".

 

SAPO TL ho Lusa

link do postPor sapotl às 02:13, às 02:13  comentar

 
mais sobre mim
Novembro 2015
D
S
T
Q
Q
S
S

1
2
3
4
5
6
7

8
9
10
13
14

15
16
17
18
19
20
21

22
23
24
25
26
27
28

29
30


arquivos
2017

2016

2015

2014