9.11.17

 

"Hamutuk ita luta ba moris di'ak ida ba sobrevivente sira no ba Povu tomak Timor-Leste nian iha futuru", hanesan tema hosi Kongresu Nasional daruak hosi Komité 12 Novembru, ne'ebé hala'o, iha Sentru Konvensaun iha Díli, hahú loron-tersa ne'e. Enkontru loron tolu hotu iha loron-kinta ne'e. 

 

Foto@ SAPO Timor-Leste

 

Iha abertura eventu nian, iha 07 Novembru liubá, Primeiru-Ministru Mari Alkatiri ko'alia kona-ba importánsia istóriku hosi 12 Novembru ba nasaun, hodi konsidera hanesan "marka nasional" ida ne'ebé "reprezenta sakrifísiu boot ida ne'ebé maka joven timoroan sira halo. Liuliu ba sira maka ha'u hakarak halo homenajen no hakarak rekoñese. Hanesan ba joven sira maka ohin loron iha dame, unidade no estabilidade nasional".

 

Prezidente Repúblika, Francisco Guterres Lú Olo, halo ona homenajen mós ba joven sira no ba sira ne'ebé maka halo parte iha "loron sakrifísiu" nian no hanoin hikas knaar importante hosi Max Stahl, ne'ebé filma ona akontesimentu sira, no hosi Saskia Kouwenberg, jornalista ne'ebé lori imajen sira ne'ebé fó sai iha mundu tomak no bolu atensaun ba situasaun iha Timor-Leste.

 

Prezidente Repúblika subliña ona importánsia hosi uniaun no koñesimentu hodi bele halakon susar sira no apela ona ba povu nia ba nia reprezentante eleitu sira hodi mantén espirítu ne'ebé hanesan matadalan ba ema sira ne'ebé halo ona sakrifísiu, iha momentu ne'ebé povu no nasaun hasoru dezafiu foun sira.

 

Primeiru-ministru afirma fali nia konfiansa iha povu no hatutan katak líder polítiku sira maka tenki "buka dalan sira hodi hetan konsensu ida hodi garanti dame no estabilidade nasional".

 

Mari Alkatiri fó hanoin aktak "Prezidente Repúblika halo ona diálogu ho forsa polítika oioin, no ha'u rasik hatudu nafatin vontad ehodi halo diálogu ho interveniente polítiku sira. Maibé agora ha'u senti prontu halo diálogu bainhira ema sira seluk prontu hodi aseita vontade popular".

 

Fonte: Governo de Timor-Leste

link do postPor sapotl às 13:42, às 13:42  comentar

 
mais sobre mim
Novembro 2017
D
S
T
Q
Q
S
S

1
2
3
4

5
6
7
8
9
10
11

12
14
15
16
17
18

19
20
21
22
23
24
25

26
27
28
29
30


arquivos
2017

2016

2015

2014